Поздравление главы администрации Урмарского района с Днем работников текстильной и легкой промышленности
Районта çăмăл промышленость отраслĕнче ĕçлекен хисеплĕ те хаклă çыннăмăрсем!
Сире професси уявĕпе - Çăмăл промышленность ĕçченĕсен кунĕ ячĕпе чунтан-чĕререн тухакан ăшă сăмахсемпе саламлатăп.
Эсир продукци кăларас ĕçре хăвăрăн пĕтĕм вăй-хала парса тăрăшса ĕçлени район экономикине аталантарас тата çирĕплетес тĕлĕшĕнче пысăк пĕлтерĕшлĕ вырăн йышăнать.
Ăнланатăп, хальхи вăхăтра ĕçлеме çăмăлах мар. Унта-кунта предприятисем хупăнса лараççĕ. Анчах та эсир йывăрлăхсене çĕнтерсе пыма тăрăшни савăнтарать. Сире пархатарлă ĕçĕршĕн тав тăватăп. Малашлăхра ырлăх-сывлăх, телей, ăнăçу, çитĕнỹсем сунатăп.
Вăрмар район
администрацийĕн пуçлăхĕ А.И. Егоров