о Ыйтăр - хуравлатпăр

Ял хуçалăх çыравĕ

Юлашки вăхăтра ял хуçалăх çыравĕ пирки пур çĕрте те калаçаççĕ. Халăхра та тĕрлĕ хыпар сарăлнă: инспекторсем килĕрен çỹресе ял çыннин хуçалăхĕнче мĕн пуррине пĕтĕмпех шута илсе пысăк налук хураççĕ, кил хуçи валли нимĕн те хăвармаççĕ-мĕн. Çакă тĕрĕсех-ши?

Ку ыйту çине районти перепись енĕпе ĕçлекен уполномоченнăй Е.Терентьева хуравлать:

"Çук, ку пĕрре те тĕрĕс мар. Мĕн пурри пĕтĕмпе сыхланса юлать. Йĕркеленĕ ĕç ушкăнĕ ялсенче пулса хуçалăх кĕнеки тăрăх кил хуçисемпе килĕшсе тĕрĕслев ирттерет. Ун чухне çакă палăрать: чылай çĕрте çĕр лаптăкĕ е выльăх-чĕрлĕхпе кайăк-кĕшĕк йышĕ палăртнинчен ытлашши е сахалтарах. Çĕнĕрен налук хурассинчен шикленсе килти выльăх йышне пурне те кăтартманнисем те пур. Раççей саккунĕпе килĕшỹллĕн килти хуçалăх предприниматель шутне кĕмест. Çавăнпа та унран нимĕнле налук та илмеççĕ".