4 куна тăсăлнă юмах
о Çĕнĕ çул
4 куна тăсăлнă юмах
Мускав Кремлĕнче иртнĕ елка маншăн кăçал чи пысăк парне пулчĕ. Хамăр районтан иккĕн пулма тивĕç пултăмăр эпир унта - эпĕ тата Вăрмарти пĕрремĕш вăтам шкулта 6 "в" класра вĕренекен Г.Алжиров. Шупашкар хулинчен вара пĕтĕмпе 40 вĕренекен çула тухрăмăр. Акă - Кремль. Пилĕк пин ачаран тăракан колонна (çĕр-шывăн пур кĕтесĕсенчен çавăн чухлĕн пуçтарăннă) васкамасăр Кремль концерт залне кĕрет. Кунта вара тĕлĕнтермĕш тĕнчине лекнĕ пекех туятăн хăвна - Хĕл Мучипе Юр пике, клоунсем, тĕрлĕ юмахри сăнарсем, хитререн те хитре декорацисем, улшăнса ылмашăнса пыракан ятарлă сцена эффекчĕсем, Çĕнĕ çул парни - пурте яланлăхах асра юлчĕ. Хулари паллă вырăнсем тăрăх ирттернĕ экскурсисене тата епле манăн? Тĕп хуламăрта ирттернĕ тăватă кун маншăн юмах тĕнчинче пулнă пекех туйăнчĕ.