Пĕр-пĕрне пулăшар, тăванла ал тăсар
Пĕр-пĕрне пулăшар, тăванла ал тăсар
Районти ача-пăча библиотекине икĕ пине яхăн вулакан çỹрет. Лайăх кĕнеке çамрăк вулакансен ăс-тăнне, тавракурăмне ỹстерме, аталантарма пулăшнине пурте пĕлетпĕр пулин те юлашки çулсенче бюджетран кĕнеке туянма укçа-тенкĕ калама çук сахал уйăрнине пула пирĕн библиотека ачасем валли кирлĕ çĕнĕ кĕнекесенчен пуянлансах пыраймасть.
Эпир мĕнле ĕçлесси, ача-сен ыйтăвне тивĕçтересси кĕнеке фончĕн пуянлăхĕнчен питĕ нумай килет. Уйрăмах вырăс тата ют çĕр-шыв классикĕсен, кĕçĕн классенче вĕренекенсем валли тĕрлĕ юмахсем, ачасен тавракурăмне ỹстерме пулăшакан кĕнекесем çитсе пыраймаççĕ.
Çакăн пек йывăр тапхăр-та мартăн 1-мĕшĕнчен пуçласа майăн 1-мĕшĕччен районти ача-пăча библиотеки "Кĕнеке парнелетĕп" ыр кăмăллăх акци ирттерет. Районта уйрăм çынсем, пĕрлешỹсем, район администрацийĕн ĕçченĕсем çак пуçарăва активлă хутшăнасса шанса тăрас килет. Хăвăр пултарнă таран пулăшсан чун-чĕререн тав тăватпăр.