Кайăк грипĕ хăратать
о Ыйтăр - хуравлатпăр
Кайăк грипĕ хăратать
Çĕр-шывăн кăнтăр районĕсенче кайăк грипĕ сарăлма пуçлани пурне те пăшăрхантарать. Çак чиртен мĕнле сыхланса юлма пулать?
Çак ыйту çине патшалăхăн районти тĕп ветеринари инспекторĕ Л.Щукина хуравлать:
"Ку чиртен сыхланма кайăк-кĕшĕке вакцинаци тумалла. Эмелсене района çак уйăх вĕçĕнче е апрель пуçламăшĕнче илсе килмелле. Вакцинăсене пасартан е аптекăсенчен туянма юрамасть. Вĕсемпе патшалăхăн ветеринари служби кăна тивĕçтерме пултарать. Кайăк-кĕшĕке халĕ витесенче тытмалла, апатне тул енне е картишне пама юрамасть. Вĕçсе килекен вĕçен кайăксене хăваласа ямалла, вĕсене хур-кăвакалсемпе е чăх-чĕпсемпе явăçма памалла мар. Вакцинаци тунă хыççăн вара чир хăрушлăхĕ сирĕлет".