Чи лайăх вĕренекен
о Конкурс
Чи лайăх вĕренекен
Вĕрентỹ сферинчи наци проекчĕпе, "Чăваш Ен ачисем", "Пултаруллă ачасем" программăсемпе килĕшỹллĕн пултаруллă, ăслă-тăнлă, талантлă вĕренекенсене тупса палăртас тĕллевпе районта пуçласа "Çулталăк вĕренекенĕ-2006" конкурс иртрĕ. Финал турне районти культура çуртĕнче пĕтĕмлетрĕç. Районти шкулсенчен чи вăйлă 18 ачаран финалта 7 вĕренекен ăмăртрĕç.
Тĕрлĕ номинацисене хутшăнма тỹр килчĕ ачасен. Юлашкинчен, жюри пĕтĕмлетĕвĕсем тăрăх "Çулталăк вĕренекенĕ - 2006" ята, дипломпа хаклă парнене Аслă Чакри 11 класра вĕренекен Людмила Егорова тивĕçрĕ, ăна райадминистрацин вĕрентỹ тата çамрăксен политикин пай пуçлăхĕ Ю.Соколов республика шайĕнче иртекен конкурсра çитĕнỹсем тума ăнăçу сунчĕ.