о Ыран - Раççей почтин кунĕ

Экскурсире пултăмăр

Раççей почтин кунĕ умĕн район пуçлăхĕ В.Кириллов тăрăшнипе "АККонд" уçă акционерлă обществăра пулса куртăмăр. Предприяти директорĕ В.Иванов коллектив пурнăçĕпе, ĕçĕ-хĕлĕпе паллаштарчĕ. Кунта пулнă май, тасалăхпа йĕркелĕх çỹллĕ шайра пулнинчен чăннипех те тĕлĕнтĕмĕр. Мĕнле кăна продукци туса кăлармаççĕ-ши кунта? Цехсем тăрăх курса çỹренĕ чухне пылак продукцие астивсе те пăхрăмăр. Экскурси пурин кăмăлне те кайрĕ.