Урмарский муниципальный округ Чăваш Республикин Вăрмар муниципаллă округě
Çĕр улми кăлараççĕ
о Ĕççи - 2006
Çĕр улми кăлараççĕ
Пысăк Енккассинчи С. Калягин фермера пирĕн районта çеç мар, республикăра та пĕлеççĕ. Ял хуçалăхне аталантарас ĕçре палăрса вăл "Тăван çĕр-шыв умĕнчи тава тивĕçлĕ ĕçсемшĕн" орден медальне тивĕçнĕ пулнă.
"Колос" фермер хуçалăхĕ кашни çулах пысăк лаптăк çинче çĕр улми, кишĕр, кăшман çитĕнтерет. Акă кăçал та 4 гектара яхăн "Удача" сортлă çĕр улмине лартса хăварнă. Çак кунсенчех "иккĕмĕш çăкăра" В. Ефремов механизатор МТЗ - 82 тракторпа кăларма пуçларĕ. Малтанлăха шутланă тăрăх тухăçĕ та начар мар. Гектартан 150-200 центнер тухасса шанать фермер. Кăларса пынă май сутăнсах пырать çĕр улми. Паллах пĕччен кăларса пуçтарса пĕтереймĕн, çавăнпа та Станислав Александрович ял халăхне, шкул ачисене çак ĕçе явăçтарать.
П. АЛЕКСЕЕВ.