Ĕçлесен ỹсĕм пулать
о Вырма - 2006
Ĕçлесен ỹсĕм пулать
Ĕç çынна илем кỹрет теççĕ халăхра. Манăн ку шухăш çумне ĕç çынна тăрантарать, тумлантарать тесе калас килет. Акă, "Шигали" хуçалăха илер-ха. Хуçалăх пуçлăхĕнчен пуçласа ватти-вĕтти таранах çанă тавăрса вăй хураççĕ вĕсем. Уй-хирте, йĕтемре ĕç шавĕ лăпланмасть. Уяр, типĕ çанталăкпа ĕç çыннисем туллин усă кураççĕ. Çакна палăртмалла: ку хуçалăх элита, суперэлита вăрлăхсем акса туса илессипе ăнăçлă ĕçлет. Акă, халĕ ăнса пулнă тыр-пула типĕтсе, тасатса пỹлмесене хываççĕ. Акăннă çĕр лаптăкĕсем кунран кун пушансах пыраççĕ. Райадминистрацин ял хуçалăх тата экологи пайĕн специалисчĕсемпе ку хуçалăхра пулнă май тыр-пул тухăçлăхĕ пирки те интереслентĕм. Вĕсем лартнă кĕрхи культура тритикале пĕр гектартан 59 центнер таран тухать. Çитес çул çак культурăна татах та ытларах акма планлать хуçалăх пуçлăхĕ А.Ульянов.
З. ПАВЛОВА.