ХУСАНТИ ĂМĂРТУСЕНЧЕ
Ветерансем хушшинче çуран чупас енĕпе Тутар Республикинче мала тухассишĕн ирттернĕ уçă чемпионат икĕ куна пынă. Пирĕн спортсменсем унта лайăх результат кăтартнă.
40-45 çулхи хĕрарăмсем 800 метра чупнă. Ку дистанцире С.Егорова /Чупай/ - пĕрремĕш, Н.Александрова /Чупай/ иккĕмĕш вырăнсене çĕнсе илнĕ. 400 метрлă дистанцире Л.Агапова /Вăрмар поселокĕ/ çĕнтернĕ.
50-55 çулхи арçынсем хушшинче А.Ноздрин /Чупай/ 800 метра чупассипе иккĕмĕш пулнă.
65-70 çулхи арçынсемпе ăмăртса Н.Михайлов /Вăрмар поселокĕ/ 400 метра чупса - пĕрремĕш, 800 метрлă дистанцире виççĕмĕш вырăна тухнă.
К.Иванов /Кивĕ Вăрмар/ 1500 метра чупса пиллĕкмĕш вырăн йышăннă.
Çĕнтерÿçĕсене дипломсемпе наградăланă, парнесем панă.
А. ХОВАНСКИЙ