Йĕпреçсенчен выляса илтĕмĕр
«Хăраканни хоккейла вылямасть» текен каларăшпа спорта юратакан чылай çамрăксем килĕшеççĕ. Çапла пулмасăр, сывă пурнăç йĕркине тытса пырас пулсан спортпа туслă пулмалла-çке.
Ахальтен мар ĕнтĕ Вăрмар хула тăрăхĕн администрацийĕ (пуçлăхĕ А.Васильев) тăрăшнипе район центрĕнчи стадионта тепĕр хоккей площадки турĕç (малтанхи - Заводская урамра). Хоккейла выляса республикăра мала тухассишĕн ирттерекен турнира хутшăнса иртнĕ вырсарникун пирĕн патăрта Йĕпреçсене йышăнтăмăр. Хăнасенчен 6 : 5 шутпа выляса илтĕмĕр. Çитес вырсарникун, январĕн 20-мĕшĕнче, пирĕн районăн «Вăрмар хоккей клубĕ» команди (капитанĕ А.Васильев) Канаш районĕнчи «Спартак» командăпа тĕл пулса вылять.
А. КРАСНОВ.