Урмарский муниципальный округ Чăваш Республикин Вăрмар муниципаллă округě
Фронтовика - автомашина уççи
Совет халăхĕ Аслă Отечественнăй вăрçăра Çĕнтерÿ тунăранпа 63 çул çитрĕ. Хальхи вăхăтра районта вăрçă участникĕсем - 57, инваличĕсем 35 пурăнаççĕ. автотранспорт илмелли черетре 16 инвалид тăрать. Кăçал Чăваш Республикине 174 автомобиль уйăрса панă. Çав шутран пирĕн района пĕр «Лада» çиччĕмĕш модель килет. Çĕнтерÿ кунĕ савăнăçлă лару-тăрура унăн уççине Энĕшпуçĕнче пурăнакан Макаров Роман Макарович фронтовика парĕç.
2001 çултанпа Аслă Отечественнăй вăрçă инваличĕсем пурĕ 24 автомашина илчĕç.
В. ИВАНОВ.