Урмарский муниципальный округ Чăваш Республикин Вăрмар муниципаллă округě
СЫВЛĂХА ÇИРĔПЛЕТМЕ – ПУТЕВКĂСЕМ
Çуллахи кунсем çитсе те пыраççĕ. Унпа пĕрле шкул ачисен канăвĕ те. Районти «Романтика» ачасен сывлăхне çирĕплетмелли лагерь кăçал та 3 сменăпа ĕçлĕ. Районти социаллă страховани фончĕ бюджет организацийĕсенче ĕçлекенсен ачисене «Романтикăна» канма кайма 150 тÿлевсĕр путевка куçарнă (кашни сменăна 50-шар). Çавăн пекех районти «Ачалăх ячĕпе, ачалăхшăн» ыркăмăллăх фончĕ те пурĕ 20 тÿлевсĕр путевка уйăрнă. Пĕрремĕш смена июнĕн 10-мĕшĕнче пуçланмалла, хальлĕхе унта юсав ĕçĕсем пыраççĕ. Пĕр сменăра пурĕ 70 яхăн ача канĕ. Республикăри «Чайка» ача-пăча санаторийĕнче кăçалхи çул çулталăк тăршшĕпе районти 51 ачан сывлăхне çирĕплетме планланă.
Çавăн пекех районти 8 шкул çумĕнче те сывлăха çирĕплетмелли кану лагерĕсем ĕçлĕç. Икĕ смена хушшинче кунта пурĕ 295 ача хăйĕн сывлăхне çирĕплетĕ. Кунне 2 хутчен апатлантарĕç, походсене çÿремелле, тĕрлĕ мероприятисене хутшăнмалла пулĕ. Кану усăпа иртсен кăна усăллă пулĕ.
Э. МИХАЙЛОВА.