Урмарский муниципальный округ Чăваш Республикин Вăрмар муниципаллă округě
Предприяти аталанать
Вăрмарти малтан пулнă сĕтел-пукан фабрикин территорийĕнче Чулхулари «ДОКРОС» (дерево-обрабатывающий комплекс России) акционерсен хупă обществин пÿлĕмсем хушшине вырнаçтармалли алăксем тăвакан цех ĕçлет. Ку цех 2003 çулта уçăлнă. «Туса кăларакан продукцие Чулхуларан Санкт-Петербург, Мускав, Воронеж, Иваново тата ытти нумай хуласене салатаççĕ. Шупашкар, Çĕрпÿ предпринимателĕсем те Вăрмартан алăксем илсе каяççĕ. Уйăхсерен район халăхне 30-50 алăкпа тивĕçтерет пирĕн цех. Ĕç коллективĕнче пурĕ 40 çын, çурри ытла - хĕр арăмсем. Пирĕн патне ĕçлеме килес текенсем те чылай. Заказсем те нумай. Çавăнпа хамăрăн ĕçе сарасшăн эпир», - каласа парать цех начальникĕ М.Недеров.
5-6 тĕрлĕ алăк ăсталаççĕ кунта. Вĕсен хакĕ 2400 тенкĕрен пуçласа 3350 тенке çити. Ахаль йывăçран ăста алăсем илемлĕ алăксем туса хураççĕ.
Э. Михайлова.