ПĔТĔМ РАÇÇЕЙРИ ХАЛĂХ ÇЫРАВĔ
Пĕтĕм Раççейри халăх çыравне ирттерме йĕркеленĕ районти комиссин пĕрремĕш ларăвĕ иртрĕ. Ăна комисси председателĕн заместителĕ, райадминистраци ĕçĕсен управляющийĕ - организациллĕ ĕçсен пайĕн начальникĕ Н.Павлов ертсе пычĕ. Чи малтанах çырав ирттерме кăларнă район пуçлăхĕн йышăнăвĕпе паллаштарчĕ. Унтан комиссин кашни членĕн обязанноçĕсене палăртрĕç. Чăвашстатăн пирĕн районти ертсе пыракан специалист-эксперчĕ Г.Петрова комиссин 2008 çулхи ĕç планĕпе паллаштарчĕ.
Хула тата ял тăрăхĕсен пуçлăхĕсен Чăвашстатăн Вăрмар районĕнчи специалисчĕсемпе пĕрле халăх çыравне ирттерме комиссисем йĕркелемелле, чи малтан пурнăçламалли хатĕрленÿ мероприятийĕсене туса ирттермелле, поселокра тата ялсенче адрессене йĕркене кĕртмелле, урамсен ячĕсене, çуртсен тата хваттерсен номерĕсене çырнисем пулмалла.
А.Хованский.