Урмарский муниципальный округ Чăваш Республикин Вăрмар муниципаллă округě
Хăнана пушă алăпа килмен
Нумаях пулмасть Арапуçĕнчи «Çул çитмен ачасен реабилитаци центрĕ» республикăри патшалăх учрежденине «Акконд» акционерсен уçă обществин хăнисем килсе кайрĕç. Пушă алăпа килмен вĕсем. Фабрика представителĕ А.Павлов ачасене Пĕтĕм тĕнчери ачасене хÿтĕлемелли кунпа саламланă май тĕрлĕ вăйăсем вылямалли мечĕксем, теннис, бадминтон ракеткисем парнелерĕ. Пылак çимĕçсемсĕр епле пултăр тата? Ачасем те парăмра юлмарĕç. Центр воспитанникĕсемпе «Теремок» ача сачĕн коллективĕ ялти культура çуртĕнче концерт лартса пачĕç, центр территорийĕнче спорт мероприятийĕсем, асфальт çинчи ÿкерчĕксен конкурсне ирттерчĕç. Уяв пурте пĕрле сĕтел хушшине ларса чей ĕçнипе вĕçленчĕ.
В.ВАСИЛЬЕВА.