СПОРТ ВĂЙЙИСЕМ
Раççей кунне халалласа Çĕмĕрлере республикăри XIV çуллахи ялти спорт вăййисем иртнĕ. Ăмăртăвăн пĕрремĕш кунĕнче Вăрмарсен арçын команди волейболпа - пиллĕкмĕш, сĕтел çинче теннисла выляса - тăваттăмĕш, 3000 метра чупассипе С.Антонов - виççĕмĕш, çăмăл атлетсен команди (тренерĕ Л.Агапова) тăваттăмĕш вырăнсене çĕнсе илнĕ.
72 килограмм таран таякан спортсменсем хушшинче ирĕклĕ майпа кĕрешсе О.Иванова (тренерĕ Р.Таратин) пĕрремĕш вырăн йышăннă, командăпа - пиллĕкмĕш.
25 тата 50 метрлă дистанцисенче шывра ишессипе Л.Чернова - пĕрремĕш, Л.Чернова, Л.Агапова, Д.Иванов, А.Иванов эстрафетăра - иккĕмĕш, командăпа 3-мĕш вырăнсене тухнă.
65 килограмм таран таякан спортсменсенчен кире пуканĕ йăтассипе М.Миронов иккĕмĕш вырăна çĕнсе илнĕ.
Иккĕмĕш кунĕ те ăнăçлă пулнă. Волейболисткăсен «Урмарочка» туслă команди (тренерĕсем Ю.Спиридонов тата И.Алешин) пĕрремĕш вырăн йышăнса кубока, медальсене, грамотăсене тата вымпела тивĕçнĕ. Ăмăрту итогĕсемпе пирĕн район команди тăваттăмĕш вырăн йышăннă.
А. КРАСНОВ.