Куллен çÿлелле кармашать
Район центрĕнче тăвакан физкультурăпа сывлăха çирĕплетмелли комплекс куллен-кун çÿлелле çĕкленсе пырать. Халĕ ăна пăхма та кăмăллă. Кĕçех комплексăн административлă çурчĕн виççĕмĕш хутне кирпĕчпе купаласа пĕтереççĕ. Чÿречесене лартнă. Тимĕр каркассене вырнаçтарнă. Ĕç графикпе килĕшÿллĕн кал-кал пулса пырать. Шупашкарти «Водоснабжение» куçса çÿрекен механизациленĕ колонна» тулли мар яваплă обществăн строителĕсем хăйсен ĕçне тÿрĕ кăмăлпа пурнăçлаççĕ, пахалăх çине пысăк тимлĕх уйăраççĕ. ĕçе икĕ сменăпа йĕркеленĕ.
Хатĕр раствора ятарлă «Миксер» техникăпа Шупашкартан илсе килеççĕ, ăна вара кунта виççĕмĕш хута хăпартаççĕ, ку уйăхра кирпĕче купаласа пĕтермелле.
Электромонтажниксем хăйсен ĕçне вĕçлеççĕ. «Миллениум» тулли мар яваплă обществăн строителĕсен икĕ кашта анчах хумалла, вара ĕçĕ те пĕтет, вĕсем ĕçлеме урăх объекта куçаççĕ.
- Пирĕн тата карлăк тумалла, шыв кĕртмелле, канализаци, çурта ăшăтмалла тумалла, модульлĕ котельнăй вырнаçтармалла, - тулли кăмăлпа каласа парать участок начальникĕ Геннадий Алексеевич Кузнецов. Ку ĕç пысăк хăвăртлăхпа малалла пырать. Пурте йĕркеллĕ пулса пырать пулсан, декабрь уйăхĕнче вăл алăкĕсене спорта юраткансем валли яриех уçса ярĕ.
А. ИЛЬИН.