Пĕчĕк ялсене - асфальтлă çул
Чăваш Республикин Президенчĕн Н.Федоровăн «Чăваш Республикинчи автомобиль çулĕсем тăвассине хăвăрт вĕçлес енĕпе пурнăçламалли мерăсем çинчен» Указ пирĕн районта ăнăçлă пурнăçланса пырать. Автомобиль çулĕсем мĕн ĕмĕртен наци пуянлăхĕ пулнă. Йĕркеллĕ пурнăç условийĕсем тăвас тесен малашлăхлă çав пĕтĕм территорие хальхи инженери, çул-йĕрпе транспорт тата социаллă пурнăç инфратытăмĕсемпе тивĕçтермелле. Çакна тĕпе хурса район администрацийĕ, «Чăвашавтодор» патшалăх унитарлă предприятийĕн Вăрмарти çул-йĕрĕн юсавпа строительство ĕçченĕсем, çул-йĕрпе çыхăннă ытти юсавпа строительство организацийĕсем тăрăшса вăй хураççĕ. Хальхи вăхăтра Кĕçĕн Шăхаль, Атнаш ялĕсем патне асфальтлă çул сараççĕ. Кĕçĕн Шăхале кĕрекен çула тума Вăрмарти çул-йĕрĕн юсавпа строительство управленийĕн ĕçченĕсем тăрăшса вăй хураççĕ. Унсăр пуçне Вăрмар - Вăрмар кукри автоçула юсассипе те пысăк ĕçсем тăваççĕ.
Пĕтĕмĕшле каласан, ЧР Президенчĕ Н.Федоров ку енĕпе палăртнă программăна туллин пурнăçа кĕртме палăртаççĕ.
Строительсен ĕçне курсан та ку чăн та çапла пуласси пирки пĕрре те иккĕленме çук.
Эппин такăр çулпа кашни ялах çитес вăхăтра çитме май пулĕ. Водительсемшĕн те, çуран çÿрекенсемшĕн те ку пысăк парне.
З. Павлова.