Урмарский муниципальный округ Чăваш Республикин Вăрмар муниципаллă округě
Патăрьел çĕрĕ çинче
Пирĕн районти пултаруллă спортсменсем маунтинбайк енĕпе Чă- ваш Республикин Кубокне çĕнсе илессишĕн Патăрьел районĕнчи Нăрваш Шăхалĕнче ирттернĕ виççĕмĕш тапхăрти ăмăртусене хутшăнчĕç.
Çивĕч кĕрешÿре Вăрмарсем призлă вырăнсене çĕнсе илчĕç.
Чи çамрăккисен ушкăнĕнче Д.Яковлев (Кивĕ Вĕренер) - пĕрремĕш, В.Михайлов (Вăрмар поселокĕ) иккĕмĕш вырăнсене çĕнсе илчĕç.
1994-1995 çулсенче çуралнисем хушшинче те пирĕн велосипедистсем пултаруллă пулчĕç. А.Архипов (Мăнçырма) - пĕрремĕш, Р.Боредский (Пинер) виççĕмĕш вырăна тухрĕç.
1992-1993 çулсенчи арçын ачасем те ăнăçлă ăмăртрĕç. Г.Романов (Мăнçырма) - пĕрремĕш, Н.Чубуков (Çиçтĕпе) виççĕмĕш вырăнсене тивĕçрĕç.
1990-1991 çулсенче çуралнă арçын ачасенчен И.Тимофеев (Вăрмар поселокĕ) выляса илчĕ, пĕрремĕш пулчĕ.
1989 çулта çуралнă тата унтан та аслăрах ушкăнри арçынсем хушшинче тупăшу уйрăмах çивĕч иртрĕ. Шупашкарта Олимп резервĕсен училищинче вĕренекен спорт мастерĕн кандидачĕ А.Саминов (Çĕнĕ Шулхан) дистанцие иккĕмĕш вĕçлерĕ. Ун хыççăнах финиша Шупашкарта Олимп резервĕсен училищинче ăс пухакан С.Пудриков (Вăрмар поселокĕ) персе çитрĕ, виççĕмĕш вырăн йышăнчĕ.
1992-1993 çулсенче çуралнă хĕр ачасенчен Шупашкарта Олимп резервĕсен училищинче вĕренекен М.Семенована çитекенни пулмарĕ.
С. Архипов.