Урмарский муниципальный округ Чăваш Республикин Вăрмар муниципаллă округě
Ĕçлекен спортра та çитĕнÿ тăвать
Раççей Перекет банкĕн Чăваш енри 10 уйрăмĕнче ĕçлекен 500 ытла сотрудникĕ çак кунсенче Шупашкар хулинче республика шайĕнче иртнĕ VIII çуллахи спорт вăййисен «Сбербанкиадăна» пуçтарăнчĕ. Куракансем мар, ăмăртăва хутшăнакансем. Уява пуçтарăннă ĕçтешĕсене саламланă май Раççей Перекет банкĕн Чăваш Енри уйрăмĕн управляющийĕ В.Александров спорт вăййисем яланхиллех кăсăклă иртессе шанса каланă.
Кăçалхи «Сбербанкиада» вăхăтĕнче 32 спорт енĕсемпе ăмăртусем иртнĕ. Кунта чупуран пуçласа пирĕн тăрăхра сайра тĕл пулакан сумо кĕрешĕвĕ таранах. Пирĕн районтан Чăваш Республикин Çĕрпÿ уйрăмĕн Вăрмарти хушма офисĕн команди те хутшăннă, 3-мĕш вырăн йышăннă. Акă мĕн çырать «Советская Чувашия» хаçат: «Сбербанкăн Çĕрпÿри уйрăмĕн Вăрмарти хушма офисĕн управляющийĕ Сергей Харитонов пуçласа хăйĕн аллине спорт ухăвне тытрĕ пулин те лайăх результат кăтартрĕ. Çакă Сергей Николаевича тĕлĕнтермерĕ, мĕншĕн тесен вĕсен ĕçтешĕсем пурте спортпа туслă. Çавăнпа та вĕсен сывлăхĕ те, алли те çирĕп, пуçра çутă шухăшсем, куçĕ-çивĕч». Пурне те çакна сунмалли çеç юлать.
 |