Районти коллективлă тата хресчен (фермер) хуçалăхĕсем Çĕр ĕçченĕн çулталăкĕнчи çур акине тĕплĕн хатĕрленеççĕ. Ял хуçалăх техникине юсаççĕ, паха вăрлăх хатĕрлеççĕ, минераллă удобренисем, çунтармалли-сĕрмелли материалсем туянаççĕ. «Урмарская» кайăк-кĕшĕк фабрики Тюмень облаçĕнчен тулăн «Красноуфимская-100» сортне - 65 тонна, Вăрнар районĕнчен «Эстер» сорта 60 тонна кÿрсе килнĕ, акмалли элитлă вăрлăхсем пурĕ 190 тонна туяннă.