Учитель кашни çыннăн пурнăçĕнче чунра яланлăхах палăрса юлакан йĕр хăварать. Учитель Пĕлÿ тĕнчи тăрăх ертсе çÿрет, ĕçлеме, пĕр-пĕрне хисеплеме, ырăпа усала уйăрма хăнăхтарать. Учитель анне пекех. Вăл темĕнле кăткăс самантра та пулăшма хатĕр, ăс-тăн парать, сăпайлă çын пулма вĕрентет.

Учитель - мĕн авалтан чи сумлă, чи хисеплĕ çын. Вăл ачасене юратать, кашни ачана ăнланма, кирлĕ сĕнÿ-канаш парса лăплантарма пĕлет, çывăх çынсем парса çитереймен чун ăшшине пама пултарать.