Кашни çулах Етĕрне хулинче К.Долбилко воин-афганеца асăнса Атăлçи федераци округĕн Чăваш Республикинчи террриторийĕ йĕркеленĕ футбол выляссипе турнир ирттереççĕ. Ку хутĕнче те районсенчи, хуласенчи воин-афганецсем, Чечен Республикинчи хирĕç тăрура пулнисем асăннă ăмăртăва хутшăнчĕç. Пирĕн Вăрмар тăрăхĕнчен те 10 çын хутшăнчĕç. Вĕсене воин-афганецсен районти канашĕн председателĕ О.Ильин ертсе пычĕ. Тупăшура пирĕн район команди пĕрремĕш вырăн çĕнсе илчĕ, диплома тата парнесене тивĕçрĕ. В.Бондарев, Ю.Ларионов, В.Авакумов, А.Игнатьев, О.Ильин, Г.Васильев, О.Кузьмин, В.Левин, М.Матвеев чăн-чăн пултаруллă спортсменсем. Футбол ăмăртăвĕпе пĕрлех воин-афганецсене Тăван çĕршыва хÿтĕленĕшĕн орден-медальсемпе те наградăларĕç. «Тăван çĕршыв умĕнчи тава тивĕçлĕ ĕçсемшĕн» ордена В.Бондарев тивĕçрĕ. «Совет çарне Афганистанран кăларнăранпа 20 çул» знакпа В.Авакумова чысларĕç. Пĕтĕмĕшле каласан спорт вăййисем пурне те килĕшнĕ.