«Россельхозбанк» акционерсен уçă обществи экономика секторне кредитлассипе номинацире мала тухнăшăн РФ наци банкĕн премине илме тивĕçлĕ пулнă. Çак наградăна Пĕтĕм Раççейри банкирсен кунне халалланă мероприятире панă.

Кăçалхи 10 уйăх тĕлне кредит портфельне банк 17 процент ÿстернĕ - 713,8 млрд. тенкĕ таран. Банкăн кредит портфелĕн структуринче агропромышленноç комплексне хурассин пайĕ 85 процента яхăн. 2010 çулхи январь уйăхĕнчен пуçласа банк процент ставкине - 5 хут, ноябрь уйăхĕнче кăна юридици сăпатĕнче тăракансене кредит парассин процент ставкине 3 процент таран пĕчĕклетнĕ.

Раççей банкĕсен Ассоциацийĕн Президенчĕ Г.Тосунян, Раççей Тĕп банкĕн председателĕ пулнă В.Геращенко тата Федераци Канашĕн Председателĕн заместителĕ А.Трошин лауреатсене чаплă лару-тăрура наградăсем панă.

Банксен наци премине йĕркелекенсем - Раççей банкĕсен Ассоциацийĕ, «Национальный банковский журнал» банксен наци клубĕ. Кăçал çĕнтерÿçĕсене чысласси улттăмĕш хут иртнĕ.