Çак кунсенче район администрацийĕн пуçлăхĕ К.Никитин вырма ĕçĕсем мĕнле пурнăçланса пынипе паллашас тĕллевпе «Ямуков Г.Н.» хресчен (фермер) хуçалăхĕнче пулнă. Константин Владимирович хуçалăхра ĕçе пысăк шайра йĕркеленине палăртнă - кунта икĕ сменăпа, 8 сехетрен пуçласа каçхи 1 сехетчен ĕçлеççĕ.

Хуçалăхăн акса-туса илекен культурăсен пĕтĕмĕшле лаптăкĕ 937 гектарпа танлашать. Кĕрхи тулла 500 гектара яхăн лаптăк çинчен çапса илнĕ, вăтам тухăç - 30 центнер. Урпа çапса илессипе те ĕç пырать, комбайнсем часах çурхи тулă уйне те куçĕç.

Тыр-пула пухса кĕртнипе пĕрлех хуçалăхра çĕр улми кăларма та пуçланă. Кунта кунсерен 100 ытла çын тăрăшать.