ЧР Президенчĕ М.Игнатьев декабрĕн 19-мĕшĕнче «Чăваш Республикин Президенчĕн 2008 çулхи декабрĕн 2-мĕшĕнчи 123-мĕш Указне улшăнусем кĕртесси» Указа алă пуснă. Унпа килĕшÿллĕн «Чăваш Республикинче пурăнакансене 2009-2020 çулсенче паха шывпа тивĕçтересси» тĕллевлĕ программăна улшăнусем кĕртнĕ. Унта палăртнă мĕн пур ĕçе пурнăçлама пурĕ 23,6 млрд тенкĕ уйăрма палăртнă.

- Чăваш Ен 2011-2017 çулсем валли çирĕплетнĕ федерацин «Таса шыв» программине пурнăçлама хутшăнать. Республика регионсен ял-хулана ĕçмелли шывпа тивĕçтермелли, çурт-йĕртен таса мар шыва юхтарса кăларассине тата тасатассине йĕркелемелли тĕллевлĕ программисене суйласа илес тĕлĕшпе йĕркеленĕ конкурс витĕр ăнăçлă тухнă.

Çакă федераци хыснинчен 467,5 млн тенкĕ илме май панă.