Хĕлĕн юлашки уйăхĕн пĕрремĕш кунĕсем юрлă та ăшă çанталăкпа асра юлчĕç. Унпа усă курсах ĕнтĕ Анаткасра пурăнакан ваттисемпе çамрăксен йышлă пайĕ ял хĕрринчи каток хĕрринче канăва ирттерет. Çамрăксем ытларах хоккейла выляççĕ, ярăнаççĕ, çемьесемпе килекенсем çырма хĕрринчен çунасемпе ярăнса анаççĕ. Сивĕ те, çил те хăратмасть, мĕншĕн тесен эпир çут çанталăкăн кашни вăхăтне - çуркунне-и, çулла-и, кĕркунне-и, хĕлле-и - тахçанах хăнăхнă. Хĕл кунĕ кĕске, каçĕ вăрăм, аса илÿ - ĕмĕрлĕхе. Çакна шута илсех вăйăсене йĕркелекен В.Аникин, Алексей, Александр, Олег, Виктор Ивановсем çак мероприятие ирттерме тĕрлĕ енлĕ пулăшу пачĕç.